الرحلات والحاويات
كل رحلة بحاوياتها، وكل حاوية بحالتها: في الميناء، بتتحمّل، على الطريق، اتسلّمت. ولوحة واحدة تشوف فيها الشغل كله.
لمكاتب نقل الحاويات في مصر
كل رحلة، وكل حاوية، وكل جنيه في مكتبك — في مكان واحد بدل الورق والإكسل.
من غير كارت بنك · بعدها ١٬٢٠٠ جنيه في الشهر
اليوم في مكتب النقل بيضيع فين؟
العميل بيتصل كل ساعة يسأل الحاوية فين، والمندوب مش بيرد، وإنت بتسأل السوّاق.
مصروفات الطريق في ورق عند المندوب، والعهدة مش متقفلة، ومحدش عارف الرحلة كسبت ولا خسرت.
الفاتورة بتتأخر، والضريبة والخصم تحت الحساب بيتحسبوا بالإيد، وسعر عميل بيتلخبط مع سعر عميل تاني.
اللي هتلاقيه جوّه
العربية ماتتحجزش مرتين
نوع العربية بيحدد تشيل كام حاوية. لو حاولت تسكّن عربية على رحلة وهي لسه شغّالة على رحلة تانية فوق طاقتها، السيستم بيرفض ويقولك فين.
سعر العميل وتكلفة النقل
قايمة سعر بيع لكل عميل، وقايمة تكلفة نقل منفصلة. الرحلة من غير سعر للعميل بتقف وتطلب السعر — مابتتفوترش بالتكلفة.
المولّدات وخطابات الضمان
مولّد لكل حاوية مبرّدة بتتابعه، وخطابات الضمان بقيمتها والخصومات اللي اتعملت عليها لحد ما تتقفل.
عهدة المناديب ومصروفات الطريق
المندوب بيسجّل المصروف من جوّه الرحلة نفسها، والعهدة بتنزل لوحدها. وكشف عهدة لكل مندوب تقدر تطبعه.
فواتير بالضريبة وزرار دفع
فاتورة فيها ضريبة القيمة المضافة والخصم تحت الحساب، تتطبع، وعميلك يقدر يدفعها أونلاين من زرار عليها.
رابط تتبّع للعميل وخريطة لفريقك
ابعت لعميلك رابط يتابع منه شحنته من غير ما يتصل بيك — والرابط مافيهوش أسعار. وإنت تشوف مناديبك وسواقينك على الخريطة.
الأسطول: صيانة ورخص
مدخل مستقل لمدير الأسطول: صيانة كل عربية وعدّادها ومصروفاتها، وتنبيه قبل ما الرخصة أو التأمين يخلصوا.
تبدأ إزاي؟ ٣ خطوات
-
سجّل شركتك
اسم الشركة ورقم موبايلك، ويوصلك كود تأكيد. دقيقتين.
-
دخّل بياناتك مرة واحدة
عملاءك ومناطقك وأسعارك وعربياتك وسواقينك ومناديبك.
-
افتح أول رحلة
سكّن الحاويات على العربيات، وابعت لعميلك رابط التتبّع، وطلّع الفاتورة لما تخلص.
السعر
أسئلة بتتسأل كتير
محتاج كارت بنك علشان أبدأ التجربة؟
لأ. التسجيل بيطلب اسم الشركة واسمك ورقم موبايلك وكلمة مرور، وكود بيوصلك على الموبايل. مفيش بيانات دفع.
محتاج أنزّل برنامج على الكمبيوتر أو الموبايل؟
لأ. بيشتغل من المتصفح. وعلى الموبايل تقدر تثبّته على الشاشة الرئيسية زي أي تطبيق، من زرار «تثبيت التطبيق».
الموظفين بيدخلوا بحساب واحد؟
لأ، كل واحد بحسابه وصلاحيته: المدير، المحاسب، المندوب اللي بيشوف رحلاته هو بس، ومدير الأسطول من مدخله.
العميل هيشوف أسعاري من رابط التتبّع؟
لأ. رابط التتبّع بيوري الرحلة والحاويات وحالتها بس، ومافيهوش أي مبلغ. وتقدر توقفه أو تغيّره في أي وقت.
بعد التجربة بكام؟
١٬٢٠٠ جنيه في الشهر للشركة.
فيه نسخة إنجليزي؟
لأ. المنظومة والصفحة دي بالعربي بس، معمولة لمكاتب النقل في مصر.